കേരള കോൺഗ്രസ്(എം) വിഭാഗവുമായി ലയനം വേണ്ടെന്ന നിലപാടിൽ ഉറച്ച് കേരള കോൺഗ്രസ് (ജേക്കബ്) പാർട്ടി ലീഡർ അനൂപ് ജേക്കബ്. ജോസഫുമായി ലയിക്കാൻ ജോണി നെല്ലൂർ വിഭാഗം തീരുമാനിച്ചു. അനൂപ് ജേക്കബ്, ജോണി നെല്ലൂർ വിഭാഗങ്ങൾ പ്രത്യേകം യോഗങ്ങൾ  ചേരുകയാണ്. കേരള കോൺഗ്രസ് (എം) ജോസഫ് വിഭാഗവുമായുള്ള ലയനം സംബന്ധിച്ചാണ് പാർട്ടിയിൽ തർക്കം.കേരള കോൺഗ്രസ് (എം) ജോസഫ് വിഭാഗം ചെയർമാൻ പി.ജെ. ജോസഫിൻറെ  ക്ഷണം നിരസിക്കില്ലെന്നും ജോണി നെല്ലൂർ പറഞ്ഞിരുന്നു. പാര്‍ട്ടിയെ ഭിന്നിപ്പിക്കാന്‍ അനൂപ് ജേക്കബ് അച്ചാരം വാങ്ങിയെന്ന്  ജോണി നെല്ലൂര്‍ ആരോപിച്ചു.