ന്യൂഡല്‍ഹി: മതാടിസ്ഥാനത്തില്‍ പൗരത്വം നല്‍കാന്‍ വ്യവസ്ഥ ചെയ്യുന്ന പൗരത്വ ഭേദഗതി ഭരണഘടനാ വിരുദ്ധമാണെന്നും ബില്ലിനെതിരേ സുപ്രിം കോടതിയെ സമീപിക്കുമെന്നും എസ്.ഡി.പി.ഐ ദേശീയ പ്രസിഡന്റ് എം കെ ഫൈസി വാര്‍ത്താകുറിപ്പില്‍ അറിയിച്ചു. ബില്‍ രാജ്യത്തിന്റെ ബഹുസ്വരതയുടെ മരണമണിയാണ്. പൗരത്വം മതാടിസ്ഥാനത്തില്‍ നിര്‍ണയിക്കുന്നതും പരിഗണിക്കുന്നതും ഭരണഘടനയെ നിരസിക്കലാണ്. . വിദ്വേഷ രാഷ്ട്രീയത്തിന്റെ അമരക്കാരന്‍ തന്നെ രാജ്യത്തിന്റെ ആഭ്യന്തര മന്ത്രിയായി തുടരുന്നത് രാജ്യത്തിനു ഭീഷണിയാണ്. രാജ്യത്ത് സമാധാനവും സഹവര്‍ത്തിത്വവും ആഗ്രഹിക്കുന്ന എല്ലാ വിഭാഗവും മതവിവേചനത്തിന്റെയും വിദ്വേഷ രാഷ്ട്രീയത്തിന്റെയും വക്താക്കളായ ബി.ജെ.പി സര്‍ക്കാരിനെതിരേ ഐക്യപ്പെട്ട് ശക്തമായ പ്രതിഷേധവുമായി രംഗത്തുവരണമെന്നും എം കെ ഫൈസി പറഞ്ഞു