യുഎപിഎ, മാവോയിസ്റ്റ് വിഷയങ്ങളുടെ പശ്ചാത്തലത്തില്‍ കോഴിക്കോട് പന്തീരങ്കാവില്‍ സിപിഎം രാഷ്ട്രീയ വിശദീകരണ യോഗം നടത്തും. ഇന്ന് വൈകീട്ട് ആറ് മണിക്കാണ് ചേരുന്ന യോഗത്തില്‍ സിപിഎം ജില്ലാ സെക്രട്ടറി പി മോഹനന്‍, എം പി രാജേഷ് തുടങ്ങിയവര്‍ പങ്കെടുക്കും.മാവോയിസ്റ്റ് ബന്ധം ആരോപിച്ച് അലന്‍ ഷുഹൈബിനെയും താഹ ഫസലിനെയും യു എ പി എ ചുമത്തി പൊലീസ് അറസ്റ്റ് ചെയ്തതിനെത്തുടര്‍ന്ന് ഇരുവരെയും പാര്‍ട്ടിയില്‍ നിന്ന് പുറത്താക്കിയെങ്കിലും സിപിഎം ഈ നടപടി പരസ്യപ്പെടുത്തിയിട്ടില്ല. ഇക്കാര്യത്തിലുള്ള നിലപാടും പാര്‍ട്ടി ഇന്ന് വിശദീകരിച്ചേക്കുമെന്നാണ് വ്യക്തമാകുന്നത്.