തിരുവനന്തപുരത്ത് പ്രമുഖ രാഷ്ട്രീയ നേതാക്കൾ മഴയെ അവ​ഗണിച്ച് രാവിലെ തന്നെ കുടുംബസമേതം വോട്ടുരേഖപ്പെടുത്തി. മുതിർന്ന കോൺ​ഗ്രസ് നേതാവ്  വി. എം. സുധീരൻ കുന്നുകുഴി ​ഗവ. യു.പി. എസിൽ രാവിലെ പത്ത് മണിക്ക് ഭാര്യസമേതം വോട്ടുചെയ്തു. കെ.പി. സി.സി ജനറൽ സെക്രട്ടറി തമ്പാനൂർ രവി ശാസ്തമം​ഗലം ആർ.കെ.ഡി എൻ. എസ്. എസ് സ്കൂളിലെ ബൂത്ത് നമ്പർ 90-ൽ രാവിലെ  പത്തുമണിയോട് കൂടി വോട്ടുചെയ്തു. കെ.മുരളീധരൻ എം.പി.ജവഹർ‌ന​ഗർ  എൽ.പി. സ്കൂളിലെ 83-ാം നമ്പർ ബൂത്തിൽ വോട്ടുരേഖപ്പെടുത്തി. വി.എസ്. ശിവകുമാർ എം. എൽ. എ ശാസ്തമം​ഗലം എൻ. എസ്. എസ് സ്കൂളിൽ ബൂത്ത് നമ്പർ 95-ൽ രാവിലെ 7.30 ന് ഭാര്യയ്ക്കും മക്കൾക്കുമൊപ്പം വോട്ടുചെയ്തു. കെ. എസ്. ശബരീനാഥ് എം. എൽ. എ ഭാര്യ ദിവ്യ. ഐ. എ. എസിനോടൊപ്പം ശാസ്തമം​ഗലം എൻ. എസ്. എസ് സ്കൂളിൽ എത്തി വോട്ടുചെയ്തു.