ഖാദി ബോർഡ് വൈസ് ചെയർമാൻ ആയതിൽ അഭിമാനമെന്ന്സി.പി.എം. സംസ്ഥാന സമിതി അംഗം പി. ജയരാജൻ അപ്രധാന തസ്തിക തന്ന് ഒതുക്കി എന്ന അഭിപ്രായത്തോട് പ്രതികരിക്കുകയായിരുന്നു അദ്ദേഹം.  69-ാം ജന്മദിനത്തിലാണ് ഖാദി ബോർഡ് ചെയർമാനായി പി. ജയരാജൻ ചുമതലയേറ്റത്.ബോർ‍ഡ് കോർപ്പറേഷൻ അധ്യക്ഷന്മാരെ തീരുമാനിച്ചപ്പോൾ താരതമ്യേന അപ്രധാനമായ ഖാദി ബോർഡിന്റെ വൈസ് ചെയർമാൻ പദവിയാണ് സിപിഎം സംസ്ഥാന നേതൃത്വം പി. ജയരാജനെ പോലെ സംസ്ഥാനത്തെ പ്രധാന നേതാവിനായി മാറ്റിവച്ചതെന്ന ആക്ഷേപം നിലനിൽക്കവേയാണ് പ്രതികരണം . കഴിഞ്ഞ ലോക്സഭാ തെരഞ്ഞടുപ്പിൽ മത്സരിക്കാനായാണ് കണ്ണൂർ ജില്ലാ സെക്രട്ടറി സ്ഥാനത്തു നിന്ന് പി. ജയരാജനെ മാറ്റിയത്. എം.വി. ജയരാജനു പകരം ജില്ലാ സെക്രട്ടറിയാക്കുകയും ചെയ്തു. കെ. മുരളീധരനോട് തോറ്റതോടെ പിന്നീട് ഇതുവരെ സി.പി.എം. സംസ്ഥാന സമിതി അം​ഗമെന്ന ചുമതലയിൽ മാത്രമാണ് ജയരാജന്റെ പ്രവർത്തനം. സി.പി.എം. സഹയാത്രിക ശോഭനാ ജോർജായിരുന്നു കഴിഞ്ഞ സർക്കാരിന്റെ കാലത്ത് ഖാദി ബോർഡിന്റെ വൈസ് ചെയർപേഴ്സൺ. ഇത്തവണ ചെറിയാൻ ഫിലിപ്പിനെയായിരുന്നു പാർട്ടി  ഖാദി ബോർഡിന്റെ വൈസ് ചെയർപേഴ്സൺ സ്ഥാനത്തേക്ക് പരി​ഗണിച്ചത്. എന്നാൽ സിപിഎം ബന്ധമുപേക്ഷിച്ച് ചെറിയാൻ കോൺ​ഗ്രസിലേക്ക് പോയതോടെയാണ് ജയരാജന് നറുക്ക് വീണത്.