സംഘടനാ തെരഞ്ഞെടുപ്പ് പ്രഖ്യാപിച്ച സാഹചര്യത്തിൽ കേരളത്തിൽ നടക്കുന്ന പുനഃസംഘടന നിർത്തിവയ്ക്കണമെന്ന  ആവശ്യവുമായി മുതിർന്ന കോൺഗ്രസ് നേതാവ് ഉമ്മൻചാണ്ടി നാളെ സോണിയ ഗാന്ധിയെ കാണും ,പുതിയ കെപിസിസി നേതൃത്വത്തിന്റെ പ്രവർത്തനത്തിലുള്ള അതൃപ്തിയും ഉമ്മൻചാണ്ടി അറിയിക്കുമെന്നാണ് വിവരം.  കെ.സി വേണു​ഗോപാലിന്റെ ഇടപെടലുകളിലുള്ള അതൃപ്തിയും രേഖപ്പെടുത്തും. എ ഗ്രൂപ്പിന്റെ നിലപാടായിട്ടാണ് ഇക്കാര്യം അവതരിപ്പിക്കുന്നത്. കേരളത്തിലെ സംഘടനാ പ്രശ്‌നങ്ങളെയൊന്നും പരിഗണിക്കാതെയാണ് നിലവിലുള്ള നേതൃത്വം മുന്നോട്ടുപോകുന്നതെന്നും അദ്ദേഹം പറയാൻ സാധ്യതയുണ്ട്. എന്നാൽ ഉമ്മൻ ചാണ്ടിയുടെ ഈ തീരുമാനത്തിൽ പ്രതിപക്ഷ നേതാവ് ഇതുവരെ പ്രതികരിച്ചിട്ടില്ല. .