ഇന്ധന വില വർധനവിനെതിരെ സിപിഎം പ്രഖ്യാപിച്ച പ്രതിഷേധ സമരം മാറ്റിവച്ചു. സംസ്ഥാനത്ത് ശക്തമായ മഴയും മഴക്കെടുതിയും തുടരുന്ന സാഹചര്യത്തിലാണ് പ്രതിഷേധ പരിപാടി മാറ്റി വച്ചത്.നാളെ രാവിലെ 10 മുതൽ വൈകിട്ട് 6 മണി വരെ കേന്ദ്ര സർക്കാർ സ്ഥാപനങ്ങൾക്ക് മുന്നിലാണ് പ്രതിഷേധം സംഘടിപ്പിക്കാൻ തീരുമാനിച്ചിരുന്നത്. ഈ പ്രതിഷേധം നവംബർ 23ലേക്കാണ് മാറ്റിയത്. പെട്രോൾ ഡീസൽ വിലയിൽ സെസ് ഏർപ്പെടുത്തി കേന്ദ്ര സർക്കാർ ജനങ്ങളെ കൊള്ളയടിക്കുന്നുവെന്നാരോപിച്ചാണ് സമരത്തിന് ആഹ്വാനം ചെയ്തിരിക്കുന്നത്.