കോവിഡിന്റെ പേരിൽ രാത്രികാല കർഫ്യൂ ബുദ്ധിശൂന്യമായ നടപടിയാണെന്ന് പ്രതിപക്ഷനേതാവ് വി.ഡി സതീശൻ. ജനങ്ങളിൽ അനാവശ്യ നിയന്ത്രണങ്ങൾ അടിച്ചേൽപിക്കരുതെന്നും അദ്ദേഹം പറഞ്ഞു. ‘പ്ലസ് വൺ പരീക്ഷ നടത്താനുള്ള തീരുമാനത്തിൽ വലിയ വിമർശനമുണ്ട്. കോവിഡ് വ്യാപനം ഉണ്ടാക്കുന്ന നിയന്ത്രണങ്ങളാണ് കേരളത്തിലുള്ളത്. ആർ.ടി.പി.സി.ആർ നടത്തണമെന്ന് പ്രതിപക്ഷം ആവശ്യപ്പെട്ടപ്പോൾ മുഖ്യമന്ത്രി അധിക്ഷേപിക്കുകയാണ്. എന്നാൽ ഒരാഴ്ചക്കകം സർക്കാർ നിലപാട് മാറ്റി. ആന്റിജൻ പരിശോധന ശാസ്ത്രീയമല്ല. സർക്കാരിനെ വിമർശിക്കുകയല്ല നിർദേശങ്ങൾ സമർപ്പിക്കുകയാണ് പ്രതിപക്ഷം ചെയ്യുന്നത്’- അദ്ദേഹം പറഞ്ഞു