പാർട്ടി നയങ്ങളിൽ നിന്ന് സർക്കാറിൻറെ പ്രവർത്തനങ്ങൾ വ്യതിചലിക്കുന്നുണ്ടോയെന്ന് പരിശോധിക്കാൻ പ്രത്യേക സമിതിക്ക് രൂപം നൽകി സിപിഎം. ഭരണകാര്യങ്ങളിൽ കൃത്യമായ ഇടപെടൽ ഉറപ്പാക്കാനാണ് സിപിഎം നീക്കം. ഇടത് നയത്തിൽ നിന്ന് വ്യതിചലിക്കുന്ന തീരുമാനങ്ങളിലൂടെ വിവാദങ്ങൾ ഉയരുന്ന സാഹചര്യത്തിലാണ് ഇടപെടൽ.പൊളിറ്റ് ബ്യൂറോ അംഗങ്ങളായ കോടിയേരി ബാലകൃഷ്‌ണൻ, എസ്. രാമചന്ദ്രൻ പിള്ള, എം.എ. ബേബി, സംസ്ഥാന സെക്രട്ടറി എ. വിജയരാഘവൻ എന്നിവരാണ് സമിതിയിലെ അംഗങ്ങൽ. ഒന്നാം പിണറായി സർക്കാരിൻറെ കാലത്തിലെ വിവാദങ്ങളും വീഴ്ചയും തുടർഭരണത്തിൽ ഉണ്ടാകരുതെന്ന നിർബന്ധം പാർട്ടിയ്ക്കുണ്ട്. സ്പ്രിംഗ്ളർ, ആഴക്കടൽ മത്സ്യബന്ധന കരാർ, പൊലീസിന് അമിതാധികാരം നൽകൽ, മരം മുറി പോലുള്ള നിയമഭേദഗതികളിൽ ഉയർന്ന വിവാദങ്ങൾ തുടർഭരണത്തിൽ ഉണ്ടാകാതിരിക്കാനാണ് പുതിയ സംവിധാനം.