ഉന്നതവിദ്യാഭ്യാസ സ്ഥാപനങ്ങളിൽ  സീറ്റുകൾ വർദ്ധിപ്പിക്കണമെന്ന് കേരളാ കോൺഗ്രസ്സ് (എം) ചെയർമാൻ ജോസ് കെ.മാണി. ഇക്കൊല്ലം വിവിധ ബോർഡുകളുടെ പരീക്ഷകളിൽ മികച്ച വിജയമാണ് വിദ്യാർത്ഥികൾ നേടിയിട്ടുള്ളത്. ഇവർക്ക് കേരളത്തിൽ തന്നെ മികച്ച പഠന സൗകര്യമൊരുക്കണം. നിലവിലെ ഉന്നതവിദ്യാഭ്യാസ സ്ഥാപനങ്ങളിലെ സീറ്റ് നില വിജയം നേടിയ എല്ലാ വിദ്യാർത്ഥികളെയും ഉൾക്കൊള്ളാൻ പര്യാപ്തമല്ല. കോവിഡ്  രൂക്ഷമായി തുടരുന്നതിനാൽ മറ്റ് സംസ്ഥാനങ്ങളിലെ വിദ്യാഭ്യാസ്ഥാപനങ്ങളെ ആശ്രയിക്കുന്നത് പ്രായോഗികമല്ല.ഉന്നതവിദ്യാഭ്യാസ സ്ഥാപനങ്ങളിലെ സീറ്റുകൾ വർദ്ധിപ്പിക്കാൻ അടിയന്തിര ഇടപെടൽ ഉണ്ടാവണമെന്ന് സംസ്ഥാന സർക്കാരിനോട് ആവശ്യപ്പെട്ടതായി ജോസ് കെ.മാണി പറഞ്ഞു.