കരുവന്നൂർ ബാങ്ക് തട്ടിപ്പ് കേസ് അന്വേഷണം കേന്ദ്ര ഏജൻസികൾക്ക് വിടണമെന്ന് ബിജെപി സംസ്ഥാന പ്രസിഡൻറ് കെ.സുരേന്ദ്രൻ. ബാങ്കിൽ നടന്ന തട്ടിപ്പ് സിപിഎം നേതാക്കളുടെ അറിവോടെയാണ്. ഈ സിപിഎം നേതാക്കളെ രക്ഷിക്കാനാണ് ക്രൈംബ്രാഞ്ച് അന്വേഷണം നടത്തുന്നത്. ബാങ്ക് തട്ടിപ്പിലെ പണമാണ് സിപിഎം നിയമസഭാ തെരഞ്ഞെടുപ്പിൽ ഉപയോഗിച്ചതെന്നും കെ സുരേന്ദ്രൻ ആരോപിച്ചു.ഇരിങ്ങാലക്കുടയിൽ മന്ത്രി ആർ.ബിന്ദുവിൻറെ പ്രചരണത്തിനടക്കം ഈ പണമാണ് ഉപയോഗിച്ചത്. തട്ടിപ്പ് നടത്തിയ പ്രതികളിൽ പലരും രാജ്യം വിട്ടിട്ടുണ്ട്. അതുകൊണ്ട് തന്നെ ക്രൈംബ്രാഞ്ചിന് ഒന്നും ചെയ്യാനില്ല. അതിന് കേന്ദ്ര ഏജൻസികൾ തന്നെ വരണമെന്നും ഈ വിഷയം ഉന്നയിച്ച് ബിജെപി പ്രതിഷേധം ശക്തമാക്കുമെന്നും സുരേന്ദ്രൻ പറഞ്ഞു.