പാലാ എംഎൽഎ മാണി സി കാപ്പൻറെ നേതൃത്വത്തിൽ രൂപികരിച്ച എൻസികെ പാർട്ടി പിളർന്നു. സംസ്ഥാന വർക്കിങ് പ്രസിഡൻറും വൈസ് പ്രസിഡൻറും ഉൾപ്പടെയുള്ളവരാണ് രാജിവച്ചത്. മാണി സി കാപ്പൻറെ രാഷ്ട്രീയ നിലപാടിൽ വിയോജിച്ചാണ് ഇവർ പാർട്ടി വിട്ടത്.

നിയമസഭാ തെരഞ്ഞെടുപ്പിൽ പാലാ സീറ്റ് കേരളാ കോൺഗ്രസ് എമ്മിന് നൽകിയതിന് പിന്നാലെയാണ് മാണി സി കാപ്പൻ എൻസിപി വിട്ട് പുതിയ പാർട്ടി രൂപീകരിച്ചത്. എൻസികെ പാർട്ടി കഴിഞ്ഞ നിയമസഭാ തെരഞ്ഞെടുപ്പിൽ രണ്ട് സീറ്റുകളിൽ മത്സരിച്ചെങ്കിലും പാലായിൽ മാത്രമാണ് ജയിച്ചത്.