കെപിസിസി രാഷ്‌ട്രീയകാര്യസമിതി യോഗം ഇന്ന് (ജൂൺ 23 ബുധൻ) ചേരും. കെ.സുധാകരൻ കെപിസിസി പ്രസിഡൻറായ ശേഷമുള്ള ആദ്യ രാഷ്ട്രീയകാര്യ സമിതിയോഗമാണ്. വൈകിട്ട് മൂന്നിന് ചേരുന്ന യോഗത്തിൻറെ പ്രധാന പരഗണന വിഷയം കെപിസിസി, ഡിസിസി പുനഃസംഘടനയാണ്. പുനഃസംഘടനയുടെ മാനദണ്ഡം സമിതി ചർച്ച ചെയ്യും. ജംബോ കമ്മറ്റികൾ വേണ്ടെന്ന നിലപാടാണ് കെ.സുധാകരനും പ്രതിപക്ഷ നേതാവ് വി.ഡി സതീശനുമുള്ളത്.ഗ്രൂപ്പ് വീതം വയ്പ്പ് ഉണ്ടാകുമ്പോൾ കമ്മറ്റികൾ ജംബോ കമ്മറ്റികളാകുമോ എന്ന ആശങ്കയും ഇവർക്കുണ്ട്. രാഹുൽഗാന്ധിയുമായി നേതാക്കൾ നടത്തിയ ചർച്ചക്ക് ശേഷമാണ് രാഷ്ട്രീയകാര്യസമിതി ചേരുന്നത്. ഡിസിസി പ്രസിഡൻറുമാരുൾപ്പെടെ സമഗ്രമായ അഴിച്ചു പണിയാണ് കെ.സുധാകരൻറെ നിലപാട്. ഇതിൽ ഗ്രൂപ്പ് നേതാക്കളുടെ അഭിപ്രായമാണ് നിർണായകം. മുട്ടിൽ മരംമുറികേസിലെ സമരപരിപാടികളും സമിതി തീരുമാനിക്കും. ബ്രണ്ണൻ വിവാദത്തിൽ സുധാകരന് യോഗം പിന്തുണ പ്രഖ്യാപിച്ചേക്കും.