കെ. മുരളീധരന്‍ യുഡിഎഫ് കണ്‍വീനറാകും.നേമത്ത് സധൈര്യം മത്സരിക്കാനിറങ്ങിയ മുരളീധരന് അര്‍ഹിക്കുന്ന പരിഗണന നല്‍കണമെന്ന് ഹൈക്കമാന്‍ഡ് നേരത്തേ തന്നെ തീരുമാനിച്ചുറപ്പിച്ചതാണ്.   രമേശ് ചെന്നിത്തലയെ എഐസിസി ജനറല്‍ സെക്രട്ടറിയാക്കും. ജനറല്‍ സെക്രട്ടറി ആയാലും രമേശ് ചെന്നിത്തലയുടെ പ്രവര്‍ത്തനങ്ങള്‍ പൂര്‍ണമായും ഡല്‍ഹിയിലേക്ക് മാറില്ലെന്നാണ് സൂചന. ഉമ്മന്‍ചാണ്ടി കോണ്‍ഗ്രസ് പ്രവര്‍ത്തക സമിതിയില്‍ തന്നെ തുടരും. മുല്ലപ്പള്ളി രാമചന്ദ്രനും കെ. വി തോമസിനും എഐസിസി പ്രത്യേക പരിഗണന നല്‍കിയേക്കുമെന്നാണ് വിവരം.