വയനാട് മുട്ടിൽ മരംമുറി കേസിൽ പ്രത്യേക സംഘങ്ങൾ അന്വേഷണം തുടങ്ങിയതായി വനംവകുപ്പ് മന്ത്രി എ.കെ. ശശീന്ദ്രൻ പറഞ്ഞു. റവന്യൂ വകുപ്പ് ഉത്തരവ് ഇഷ്ടം പോലെ വ്യാഖ്യാനിക്കപ്പെടുകയാണ് ഉണ്ടായത്. തുടക്കം മുതൽ പഴുതടച്ച പരിശോധനയും നിയമം അനുശാസിക്കുന്ന ശിക്ഷയും കുറ്റക്കാർക്ക് ലഭിക്കണമെന്നതാണ് സർക്കാർ നിലപാട്. ഇതിൻറെ അടിസ്ഥാനത്തിൽ ടൂ ടയർ അന്വേഷണ സംവിധാനമാണ് ഇപ്പോൾ ഏർപ്പെടുത്തിയിട്ടുള്ളത് എന്നും മന്ത്രി പറഞ്ഞു.