കൊടകര കുഴൽപ്പണക്കേസുമായി ബന്ധപ്പെട്ട് ബിജെപിയുടെ കോർ കമ്മിറ്റി യോഗം വിലക്കി പൊലീസ്. യോഗം നടത്താനിരുന്ന കൊച്ചിയിലെ ബിടിഎച്ച് ഹോട്ടലിന് നോട്ടീസയച്ചു. ലോക്ക്ഡൗൺ നിയമലംഘനമാകുമോ എന്ന് പരിശോധിക്കുമെന്ന് പൊലീസ് അറിയിച്ചു. യോഗത്തിന് എത്തുന്നവരുടെ വിവരങ്ങൾ ശേഖരിക്കുന്നുണ്ട്.

ഓഫീസിൽ യോഗം ചേരുന്നതിൽ വിലക്കില്ലെന്നും പൊലീസ് അറിയിച്ചു. ഹോട്ടലിൽ 12 പേരാണ് യോഗത്തിനെത്തിയത്. ബിജെപി നേതൃത്വവുമായി സംസാരിക്കുകയാണെന്ന് ഹോട്ടൽ അധികൃതർ പറഞ്ഞു. മറ്റൊരു സ്ഥലത്തേക്ക് യോഗം മാറ്റിയേക്കും.