കേരള നിയമസഭയുടെ ഡെപ്യൂട്ടി സ്‌പീക്കറായി ചിറ്റയം ഗോപകുമാറിനെ ഐക്യകണ്‌ഠേന തെരഞ്ഞെടുക്കും. ഡെപ്യൂട്ടി സ്‌പീക്കർ സ്ഥാനത്തേക്ക് മത്സരത്തിനില്ലെന്ന് യു.ഡി.എഫ് പ്രഖ്യാപിച്ച സാഹചര്യത്തിലാണ് ചിറ്റയം ഗോപകുമാർ ഡെപ്യൂട്ടി സ്‌പീക്കറാകുന്നത്. ഡെപ്യൂട്ടി സ്‌പീക്കർ തെരഞ്ഞെടുപ്പ് നാളെയാണ് നിശ്ചയിച്ചിരുന്നത്. മത്സരത്തിനില്ലെന്ന് യു.ഡി.എഫ് പ്രഖ്യാപിച്ചതിനാൽ നാളെ സ്‌പീക്കറുടെ ഔദ്യോഗിക പ്രഖ്യാപനം ഉണ്ടാകും. അടൂരിൽ നിന്നുള്ള നിയമസഭാംഗമായ ചിറ്റയം ഗോപകുമാർ ഇതു മൂന്നാം തവണയാണ് നിയമസഭയിലെത്തുന്നത്. സി.പി.ഐ സംസ്ഥാന കൗൺസിൽ അംഗം കൂടിയാണ് അദ്ദേഹം.