കോൺഗ്രസിൽനിന്നും രാജിവെച്ച ലതിക സുഭാഷിനെ എൻസിപിയിലേക്ക് സ്വാഗതം ചെയ്ത് മന്ത്രി എ കെ ശശീന്ദ്രൻ. ലതിക സുഭാഷിന് അർഹമായ പരിഗണന എൻസിപി നൽകുമെന്നും മന്ത്രി പറഞ്ഞു. എൻസിപി സംസ്ഥാന പ്രസിഡന്റ് പി സി ചാക്കോയുമായി ലതികാ സുഭാഷ് ചർച്ച നടത്തിയതിന് പിന്നാലെയാണ് മന്ത്രിയുടെ പ്രതികരണം. എൻസിപി കോൺഗ്രസ് പാരമ്പര്യമുള്ള പാർട്ടിയാണെന്നും ഉടൻ തീരുമാനമെടുക്കുമെന്നും ലതിക സുഭാഷ് വ്യക്തമാക്കിയിരുന്നു.

സീറ്റ് നിഷേധിച്ചതിനെ തുടർന്ന് കോൺഗ്രസ് വിട്ട ലതിക സുഭാഷ് ഏറ്റുമാനൂരിൽ സ്വതന്ത്രയായി മത്സരിച്ചിരുന്നു.7624 വോട്ട് നേടിയ ലതിക യുഡിഎഫ് സ്ഥാനാർഥിയുടെ തോൽവിയിൽ നിർണ്ണായക പങ്ക് വഹിച്ചു. ലതിക സുഭാഷിലൂടെ കോൺഗ്രസിൽ അതൃപ്തരായി തുടരുന്ന കൂടുതൽ നേതാക്കളെ എൻസിപിയിലേക്ക് അടുപ്പിക്കുകയാണ് ചാക്കോയുടെ ലക്ഷ്യം.