രണ്ടാം പിണറായി സര്‍ക്കാര്‍ മന്ത്രിസഭ രൂപീകരണം സംബന്ധിച്ച ചര്‍ച്ചകള്‍ പൂര്‍ത്തിയായി. രണ്ട് മന്ത്രിസ്ഥാനം ആവശ്യപ്പെട്ടെങ്കിലും മുന്നണി സംവിധാനത്തിലെ പരിമിതി മാനസിലാക്കുന്നതായി കേരള കോൺഗ്രസ് എം ചെയർമാൻ ജോസ്‌ കെ.മാണി പറഞ്ഞു.   എല്ലാ ഘടകകക്ഷികൾക്കും മന്ത്രിസ്ഥാനമെന്ന വിശാലമായ തീരുമാനമാണ് സിപിഎം എടുത്തിരിക്കുന്നത്‌. ഇത് അംഗീകരിക്കുന്നു. പ്രധാന വകുപ്പ് തന്നെ ലഭിക്കുമെന്നാണ് പ്രതീക്ഷ. എന്നാൽ ഇക്കാര്യത്തിൽ തീരുമാനമെടുക്കേണ്ടത് മുഖ്യമന്ത്രിയാണെന്നും അദ്ദേഹം പറഞ്ഞു. മന്ത്രിയേയും ചീഫ്‌ വിപ്പിനേയും ഉടൻ തന്നെ പ്രഖ്യാപിക്കുമെന്നും അദ്ദേഹം പറഞ്ഞു. .