തമിഴ്‌നാട് മുഖ്യമന്ത്രിയായി എം കെ സ്റ്റാലിൻ ചുമതലയേറ്റു. ഡിഎംകെ പ്രസിഡൻറ് രാജ്‌ഭവനിലെത്തിയാണ് ചുമതലയേറ്റത്. മുഖ്യമന്ത്രിയോടൊപ്പം 34 എംഎൽഎമാരും സത്യപ്രതിജ്ഞ ചെയ്‌ത് മന്ത്രിമാരായി ചുമതലയേറ്റു. 19 മുൻ മന്ത്രിമാരും15 പുതുമുഖങ്ങളുമാണ് സ്റ്റാലിൻ മന്ത്രിസഭയിലുള്ളത്. രണ്ട് സ്‌ത്രീകളും പുതിയ മന്ത്രിസഭയിൽ ഇടം നേടിയിട്ടുണ്ട്. സ്റ്റാലിൻറെ മകൻ ഉദയാനിധി മന്ത്രിമാരുടെ പട്ടികയിൽ ഇടംനേടിയില്ല. വൻ ഭൂരിപക്ഷത്തോടെയാണ് തമിഴ്‌നാട്ടിൽ ഡിഎംകെ ഭരണത്തിലേറിയത്. 234 അംഗ നിയമസഭയിൽ 133 സീറ്റുകളാണ് ഡിഎംകെ മുന്നണി നേടിയത്.