കേരളത്തിൽ ഇത്തവണ ഇരുമുന്നണികൾക്കും ഭൂരിപക്ഷം ലഭിക്കില്ലെന്ന് ആവർത്തിച്ച് ബിജെപി സംസ്ഥാന അധ്യക്ഷൻ കെ.സുരേന്ദ്രൻ. ഫലപ്രഖ്യാപനം വരുന്നതോടെ ബിജെപി നിർണായക ശക്തിയാകും. 35 സീറ്റ് ലഭിച്ചാൽ ബിജെപി കേരളം ഭരിക്കുമെന്ന പ്രഖ്യാപനത്തിൽ ഇപ്പോഴും ഉറച്ചുനിൽക്കുന്നതായും സുരേന്ദ്രൻ പറഞ്ഞു.

രണ്ടു മുന്നണികൾക്കും ഭരിക്കാനാവശ്യമായ ഭൂരിപക്ഷം ലഭിക്കില്ല. 35 സീറ്റു ലഭിച്ചാൽ കേരളം എൻഡിഎ ഭരിക്കും എന്ന നിലപാടിൽ മാറ്റമില്ല. താൻ മത്സരിച്ച കോന്നിയിലും മഞ്ചേശ്വത്തും വിജയപ്രതീക്ഷയാണുള്ളത്. നേമത്ത് ബിജെപിയുടെ വിജയം ഉറപ്പാണെന്നും സുരേന്ദ്രൻ പറഞ്ഞു.