മന്ത്രി ജി സുധാകരനെതിരായ പരാതിയിൽ ഉറച്ചുനിൽക്കുന്നതായി മുൻ പേഴ്സണൽ സ്റ്റാഫിൻറെ ഭാര്യ. പരാതി പിൻവലിച്ചിട്ടില്ല. മന്ത്രിക്കെതിരായ പരാതിയിൽ ഇപ്പോഴും ഉറച്ചുനിൽക്കുന്നു. തന്നെയും കുടുംബത്തെയും മാത്രമല്ല സ്ത്രീ സമൂഹത്തെയും സ്ത്രീത്വത്തെയുമാണ് മന്ത്രി അപമാനിച്ചതെന്നും പരാതിക്കാരി പറഞ്ഞു. ജി സുധാകരനെതിരായ പരാതി അവർ പിൻവലിച്ചെന്നായിരുന്നു പൊലീസ് ഭാഷ്യം. ഇതിനോടായിരുന്നു പ്രതികരണം. പിൻവലിച്ചെന്ന വാർത്ത ശരിയല്ല. കേസെടുക്കാൻ തയ്യാറാകാത്ത അമ്പലപ്പുഴ പൊലീസിൻറെ ആരോപണം മാത്രമാണിതെന്നും പരാതിക്കാരി പറഞ്ഞു.