പാലായിലെ യു.ഡി.എഫ് സ്ഥാനാർഥി മാണി സി. കാപ്പന്റെ തെരഞ്ഞെടുപ്പ് അടയാളമായ ട്രാക്ടർ ഓടിക്കുന്ന കർഷകൻ ചിഹ്നത്തിന് വോട്ടിങ് യന്ത്രത്തിൽ തെളിച്ചക്കുറവ്. ഇത് വോട്ടർമാർക്ക് ആശയക്കുഴപ്പമുണ്ടാകുമെന്ന് കാട്ടി തെരഞ്ഞെടുപ്പ് ഏജന്റ് അജി ജോസ് തെരഞ്ഞെടുപ്പ് കമീഷന് പരാതി നൽകി.

മറ്റു ചിഹ്നങ്ങൾക്ക് തെളിമയും വലുപ്പവുമുണ്ട്. എന്നാൽ, മാണി സി. കാപ്പന്റെ ചിഹ്നത്തിന് മറ്റു ചിഹ്നങ്ങളെ അപേക്ഷിച്ച് വലുപ്പക്കുറവാണ്. മറ്റ് സ്ഥാനാർഥികളുടേത് പോലെ വലുതും തെളിച്ചമുള്ളതുമായ ചിഹ്നം ചേർക്കണമെന്ന് അജി ജോസ് ആവശ്യപ്പെട്ടു.