മന്ത്രി കടകംപള്ളി സുരേന്ദ്രനെതിരെ ബിജെപി സ്ഥാനാർത്ഥി ശോഭാ സുരേന്ദ്രൻ നടത്തിയ പൂതന പരാമർശത്തിനെതിരെ തിരഞ്ഞെടുപ്പ് കമ്മിഷനു പരാതി. പരാമർശത്തിൽ ഉറച്ചു നിൽക്കുന്നതായി ശോഭാ സുരേന്ദ്രൻ ആവർത്തിച്ചു.

എൽഡിഎഫ് സ്ഥാനാർഥി കടകംപള്ളി സുരേന്ദ്രന്റെ സൽപേരിനെ കളങ്കപ്പെടുത്തുന്നതാണ് ശോഭാ സുരേന്ദ്രന്റെ ഈ പ്രസ്താവനയെന്നാണ് പരാതിയുടെ ഉള്ളടക്കം. എന്നാൽ പരാമർശത്തിൽ നിന്നു പിന്നോട്ട് പോകാൻ തയാറല്ലെന്നു ശോഭാ സുരേന്ദ്രൻ വ്യക്തമാക്കി. താൻ പറഞ്ഞ പ്രസ്താവനയുടെ അർഥം പോലും ഗ്രഹിക്കാൻ കഴിവില്ലാത്തവനാണെങ്കിൽ കടകംപള്ളി നയമസഭയിൽ മത്സരിക്കാൻ യോഗ്യനല്ലെന്നും ശോഭ പറഞ്ഞു.