തെരഞ്ഞെടുപ്പിൽ പട്ടാമ്പി സീറ്റിലേക്ക് മത്സരിക്കാനില്ലെന്ന് ആര്യാടൻ ഷൗക്കത്ത്. ഇക്കാര്യം നേതൃത്വത്തെ അറിയിച്ചിട്ടുണ്ടെന്ന് ഷൗക്കത്ത് പറഞ്ഞു.

‘പട്ടാമ്പിയിൽ അവിടെ നിന്നുള്ള നേതാക്കൾ സ്ഥാനാർഥിയാകാൻ രംഗത്തുണ്ട്. ഈ സാഹചര്യത്തിൽ അവരെ അവഗണിച്ച് താൻ സ്ഥാനാർഥിയാകുന്നത് ശരിയല്ല. ഇക്കാര്യം നേതൃത്വത്തെ അറിയിച്ചിട്ടുണ്ട്. നിലമ്പൂർ ലഭിച്ചാൽ മത്സരിക്കും. പട്ടാമ്പിയിലേക്ക് ഇല്ല എന്ന കാര്യം ഉറപ്പാണ്’ഷൗക്കത്ത് പ്രതികരിച്ചു.

അതേസമയം നിലമ്പൂർ തരികയാണെങ്കിൽ മത്സരിക്കുമെന്നും അദ്ദേഹം അറിയിച്ചു. നിലമ്പൂരിൽ സമ്മർദ്ദം ചെലുത്തിയിരുന്ന ഷൗക്കത്തിന് പട്ടാമ്പി സീറ്റ് നൽകി സമവായത്തിലെത്തിക്കാനായിരുന്നു കോൺഗ്രസ് നേതൃത്വത്തിന്റെ ശ്രമം. നിലമ്പൂരിൽ മലപ്പുറം ഡിസിസി അധ്യക്ഷൻ വി.പി.പ്രകാശിനെ മത്സരിപ്പിക്കാനായിരുന്നു തീരുമാനം. നിലമ്പൂരടക്കം ഏഴ് സീറ്റുകളിലാണ് കോൺഗ്രസ് ഇനി സ്ഥാനാർഥികളെ പ്രഖ്യാപിക്കാനുള്ളത്.