ഹരിപ്പാട് തന്നെ മൽസരിക്കുമെന്ന് പ്രതിപക്ഷ നേതാവ് രമേശ് ചെന്നിത്തല. ഡൽഹിയിൽ ചർച്ച പൂർത്തിയാക്കി മടങ്ങിയ വേളയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.  ഹരിപ്പാട് തനിക്ക് അമ്മയെ പോലെയാണെന്നും ഹരിപ്പാടിനെ വിട്ടുപോകാൻ തനിക്കാവില്ലെന്നും അദ്ദേഹം പറഞ്ഞു. കോൺഗ്രസ്പട്ടിക വന്നുകഴിഞ്ഞാൽ ഒരു  പ്രതിഷേധവും ഉണ്ടാവില്ല, എല്ലാവരും അഭിനന്ദിക്കും. സിപിഎം സ്ഥാനാർഥികൾക്കെതിരെയുണ്ടായത്ര പ്രതിഷേധം ഇവിടെയുണ്ടാവില്ലെന്നും ചെന്നിത്തല പറഞ്ഞു. സ്ഥാനാർത്ഥി പട്ടിക  ഡൽഹിയിൽ  വച്ച് നാളെ കെ.പി.സി.സി പ്രസിഡന്റ് പ്രഖ്യാപിക്കുമെന്ന് ഉമ്മൻ ചാണ്ടിയും വ്യക്തമാക്കി.