എൽഡിഎഫിൽ തന്നെ തുടരുമെന്ന് വ്യക്തമാക്കി എൻസിപി ദേശീയ നേതൃത്വം. പാലാ ഉൾപ്പടെ നാല് സീറ്റിൽ മത്സരിക്കുമെന്നും എൻസിപി അഖിലേന്ത്യാ നേതൃത്വം അറിയിച്ചു. മുഖ്യമന്ത്രി പിണറായി വിജയനുമായി ഉടൻ കൂടിക്കാഴ്ച നടത്തുമെന്നും എൻസിപി നേതാവ് പ്രഭുൽ പട്ടേൽ അറിയിച്ചു.

സംസ്ഥാന നേതൃത്വവുമായി ദേശീയ അധ്യക്ഷൻ ശരദ് പവാറിന്റെ വസതിയിൽ നടത്തിയ കൂടിക്കാഴ്ചയ്ക്ക് പിന്നാലെയായിരുന്നു പ്രഭുൽ പട്ടേലിന്റെ പ്രതികരണം. സിപിഐഎം ജനറൽ സെക്രട്ടറി സീതാറാം യെച്ചൂരി ശരദ് പവാറിനെ സന്ദർശിച്ച് എൻസിപി ഇടത് മുന്നണിയിൽ തന്നെ തുടരണമെന്ന് ആവശ്യപ്പെടുകയും ചെയ്തിരുന്നു.