വി.കെ ശശികല ജയിൽമോചിതയായതിനു പിന്നാലെ പുതിയ പ്രഖ്യാപനവുമായി ടിടിവി ദിനകരൻ. തമിഴ്‌നാട്ടിൽ ശശികലയുടെ വരവ് തുടക്കമാകുമെന്നും അമ്മ സർക്കാർ രൂപീകരിക്കുമെന്നും ടിടിവി ദിനകരൻ പറഞ്ഞു. അനധികൃത സ്വത്ത് സമ്പാദന കേസിൽ ശശികലയുടെ നാല് വർഷത്തെ ശിക്ഷാകാലാവധി ഇന്ന് പൂർത്തിയായതോടെയാണ് ജയിൽമോചനം സാധ്യമായത്.

ശിക്ഷ കഴിഞ്ഞ് തിരികെയെത്തുന്ന ശശികലയ്ക്ക് വൻ സ്വീകരണം നൽകാനാണ് അനുയായികളുടെ പദ്ധതി. ബംഗളൂരു മുതൽ ആയിരം വാഹനങ്ങളുടെ അകമ്പടിയോടെയുള്ള സ്വീകരണ റാലിയാണ് നിശ്ചയിച്ചിരിക്കുന്നത്. ചെന്നൈയിൽ ശക്തിപ്രകടനവും നടത്തും. ശശികലയുടെ വരവോടെ അണ്ണാഡിഎംകെ പിളരുമെന്നാണ് ദിനകരപക്ഷത്തിന്റെ അവകാശവാദം.