പാലാ തിരഞ്ഞെടുപ്പോടെ ജോസ് കെ മാണി വിഭാഗം ഇല്ലാതാകുമെന്ന് പി സി ജോർജ് എം എൽ എ. ജോസ് വിഭാഗത്തിലെ പലരും തന്റെ ജനപക്ഷം പാർട്ടിയിലേക്ക് വരുമെന്നും ഇതിനുള്ള ചർച്ചകൾ പുരോഗമിക്കുകയാണെന്നും പി സി ജോർജ് പറഞ്ഞു.

പാലായിൽ മത്സരം എൻ ഡി എ യും എൽ ഡി എഫും തമ്മിലാണ്. തെരഞ്ഞെടുപ്പിൽ യു ഡി എഫ് ഏറെ പിന്നിലാണ്. മോദിയുടെ ക്ഷേമ പ്രവർത്തനങ്ങൾ മണ്ഡലത്തിൽ ചർച്ച ആകുന്നുണ്ട്. കത്തോലിക്കാ സഭയുടെ പിന്തുണ എൻ ഡി എക്കാണെന്നും പി സി ജോർജ് കൂട്ടിച്ചേർത്തു. പാലാ ബിഷപ്പ് പുറത്തിറക്കിയ സർക്കുലർ എൻ ഡി എ യുടെ വിജയം എളുപ്പമാകുമെന്നും സഭ ബി ജെ പിയോട് അടുക്കുകയാണെന്നും പി സി ജോർജ് പറഞ്ഞു.