തമിഴ്‌നാട്ടിലെ ഭരണമുന്നണിയായ എ ഐ എ ഡി എം കെക്കു കേരളത്തിൽ ആദ്യമായി ഒരു തദ്ദേശഭരണ സ്ഥാപനത്തിൽ ഭരണം ലഭിച്ചു. പീരുമേട് ഗ്രാമപഞ്ചായത്ത് ഇനി എഐഎഡിഎംകെ ഭരണത്തിൽ കീഴിലായിരിക്കും ഇനി മുന്നോട്ട് പോവുക. എ ഐ എ ഡി എം കെ യുടെ എസ് പ്രവീണയെ ഗ്രാമപഞ്ചായത്ത് പ്രസിഡന്റായി തിരഞ്ഞെടുത്തു.

സിപിഐ എമ്മിലെ രജനി വിനോദിനെ ഏഴിനെതിരെ എട്ടു വോട്ടുകൾക്കാണ് പ്രവീണ പരാജയപ്പെടുത്തിയത്. പട്ടിക ജാതി വനിതാ സംവരണമായ പ്രസിഡന്റ് സ്ഥാനത്തേക്ക് മത്സരിക്കാൻ യു ഡി എഫിൽ അംഗങ്ങൾ ഇല്ലാതിരുന്നതിനാൽ എ ഐ എ ഡി എം കെ അംഗത്തിന് പ്രസിഡന്റ് സ്ഥാനം നൽകുകയായിരുന്നു.