അധികാരത്തിൽ വന്നാൽ ലൈഫ് മിഷൻ അടക്കമുള്ള സംവിധാനങ്ങൾ പിരിച്ചുവിടുമെന്ന് യുഡിഎഫ് കൺവീനർ എം എം ഹസൻ. സ്പീക്കർ പി ശ്രീരാമകൃഷ്ണൻ നിരപരാധിയാണെന്ന് തെളിയേണ്ടത് നിഷ്പക്ഷ അന്വേഷണത്തിലൂടെയാണെന്നും ഹസൻ പറഞ്ഞു. നാല് പദ്ധതികളിലൂടെ തദ്ദേശ സ്ഥാപനങ്ങളുടെ അധികാര പരിധിയിൽ വരുന്നതാണ് ഭവന നിർമാണമുൾപ്പെടെയുള്ള പദ്ധതികളിൽ സംസ്ഥാന സർക്കാർ കൈ കടത്തിയെന്നും ഇതിൽ അഴിമതിയുണ്ടെന്നും അദ്ദേഹം ആരോപിച്ചു. മുഖ്യമന്ത്രി പിണറായി വിജയന് ഭയം കൊറോണയെ അല്ല ജനങ്ങളെയാണെന്നും എം എം ഹസൻ കാസർഗോഡ് പറഞ്ഞു..സ്പീക്കറുടെത് വിചിത്രമായ മറുപടിയാണ്. ശ്രീരാമന്റെയും ശ്രീകൃഷ്ണന്റെയും പേരുള്ള സ്പീക്കർക്ക് ധാർമ്മികതയുടെ ഒരംശം പോലും ഇല്ലെന്നും അദ്ദേഹം കൂട്ടിച്ചേർത്തു