ബാർ കോഴ കേസിൽ പ്രതിപക്ഷ നേതാവ് രമേശ് ചെന്നിത്തലയ്ക്കും പറവൂരിലെ പുനർജനി പദ്ധതിക്ക് വിദേശ സഹായം സ്വീകരിച്ച കേസിൽ  കോൺഗ്രസ് എംഎൽഎ വി ഡി സതീശനും എതിരെ വിജിലൻസ് അന്വേഷണത്തിന് അനുമതി നൽകുന്ന കാര്യം സ്പീക്കർ പി ശ്രീരാമകൃഷ്ണൻറെ പരിഗണനയിൽ. സിഎജി റിപ്പോർട്ടിൽ ധനമന്ത്രി തോമസ് ഐസക്കിനെതിരായ പരാതി നിയമസഭയുടെ അവകാശ സമിതിക്ക് വിട്ടേക്കും. സിഎജി റിപ്പോർട്ട് സഭയിൽ വയ്ക്കാതെ പരസ്യപ്പെടുത്തിയെന്നാണ് പരാതി. അതിനിടെ ഔദ്യോഗിക രഹസ്യ നിയമം ലംഘിച്ചതിന് തോമസ് ഐസക്കിനെതിരെ നടപടി ആവശ്യപ്പെട്ട് വി ഡി സതീശൻ ചീഫ് സെക്രട്ടറിക്ക് കത്ത് നൽകി.