പാലാ ഉപതെരഞ്ഞെടുപ്പിൽ എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ പിന്തുണ സ്വാഗതം ചെയ്യുന്നുവെന്ന് സി പി എം സംസ്ഥാന സെക്രട്ടറി കോടിയേരി ബാലകൃഷ്ണൻ. തുടർന്നുള്ള ദിവസങ്ങളിലും ഇത്തരം കേന്ദ്രങ്ങളിൽ നിന്നും പിന്തുണ ലഭിക്കുമെന്നും സമൂഹത്തിൽ അംഗീകാരമുള്ള വ്യക്തികൾ ഇത്തരം പ്രതികരണങ്ങൾ നടത്തുന്നത് രാഷ്ട്രീയ രംഗത്തെ മാറ്റത്തെയാണ് സൂചിപ്പിക്കുന്നതെന്നും അദ്ദേഹം പറഞ്ഞു.

തിരഞ്ഞെടുപ്പിൽ മാണിയുടെ കുടുംബത്തിനില്ലാത്ത സഹതാപം എങ്ങനെ നാട്ടുകാർക്ക് ഉണ്ടാകുമെന്നു കോടിയേരി ചോദിച്ചു. പാലാ ഉപതെരഞ്ഞെടുപ്പിൽ മാണി സി കാപ്പന് അനുകൂല സാഹചര്യമുണ്ടെന്നു നേരത്തെ വെള്ളാപ്പള്ളി നടേശൻ അഭിപ്രായപ്പെട്ടിരുന്നു.