കോവിഡ് സാചര്യത്തിൽ സംസ്ഥാനത്ത് തദ്ദേശ തെരഞ്ഞെടുപ്പ് മാറ്റിവയ്ക്കണമെന്ന് ആവശ്യപ്പെട്ട് സുപ്രീം കോടതിയെ സമീപിക്കുമെന്ന് പി സി ജോർജ് എംഎൽഎ. ഇക്കാര്യം ഉന്നയിച്ച് ഹൈക്കോടതിയിൽ നൽകിയ ഹർജി കോടതി തള്ളിയിരുന്നു.

താൻ ഉന്നയിച്ച വിഷയങ്ങൾ കോടതി അംഗീകരിച്ചെന്നും തെരഞ്ഞെടുപ്പ് കമ്മീഷന്റെ സത്യവാങ്മൂലം കണക്കിലെടുത്താണ് ഹർജി തള്ളിയതെന്നുമാണ് പി.സി ജോർജിന്റെ പ്രതികരണം. വിധി പകർപ്പ് ലഭിച്ചാലുടൻ സുപ്രീം കോടതിയിൽ ഹർജി നൽകും. മേൽകോടതിയിൽ നിന്ന് തെരഞ്ഞെടുപ്പ് മാറ്റിവയ്ക്കാൻ ഇടപെടൽ ഉണ്ടാകുമെന്ന് പ്രതീക്ഷിക്കുന്നതായും പിസി ജോർജ് പറഞ്ഞു.