ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരനെതിരെയുള്ള സാമ്പത്തിക തട്ടിപ്പ് കേസ് ഒത്തുതീർപ്പാക്കി. 24 ലക്ഷം രൂപയാണ് പരാതിക്കാരനായ ഹരികൃഷ്ണന് നൽകിയത്. പണം മുഴുവൻ ലഭിച്ചതോടെ പരാതിക്കാരൻ പൊലീസിന് നൽകിയ പരാതി പിൻവലിച്ചു.

ബാങ്ക് അക്കൗണ്ടുകളുടെ വിവരം തേടി അന്വേഷണ സംഘം ബാങ്കുകൾക്ക് കത്തയച്ചിരുന്നു. ഇതിന് പിന്നാലെയാണ് കേസ് ഒത്തുതീർപ്പാക്കിയത്. കേസിലെ ഒന്നാം പ്രതി കുമ്മനത്തിന്റെ മുൻ പിഎ പ്രവീൺ ആയിരുന്നു. കുമ്മനം നാലാം പ്രതിയായിരുന്നു.

ആറന്മുള സ്റ്റേഷനിലാണ് കേസ് രജിസ്റ്റർ ചെയ്തതെങ്കിലും ഇൻസ്‌പെക്ടർ ക്വാറന്റീനിലായതിനാൽ മലയാലപ്പുഴ ഇൻസ്‌പെക്ടർക്കായിരുന്നു അന്വേഷണ ചുമതല. സംഭവം വിവാദമായതിന് പിന്നാലെ ബിജെപി നേതാക്കൾ ഇടപെട്ട് പണമിടപാട് നടത്തി കേസ് തീർക്കാൻ ശ്രമം തുടങ്ങിയിരുന്നു.