സാമ്പത്തിക തട്ടിപ്പുമായി ബന്ധപ്പെട്ട് ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരനെതിരെ കേസെടുത്തു. ആറന്മുള സ്വദേശിയിൽ നിന്നും 28.75 ലക്ഷം രൂപ തട്ടിച്ചെന്ന പരാതിയിലാണ് കേസെടുത്തിരിക്കുന്നത്. കേസിൽ നാലാം പ്രതിയാണ് കുമ്മനം. കുമ്മനത്തിന്റെ മുൻ പിഎയാണ് ഒന്നാം പ്രതി.

പുതുതായി ആരംഭിക്കുന്ന പേപ്പർ കമ്പനിയിൽ പങ്കാളിയാക്കാമെന്ന് വാഗ്ദാനം ചെയ്താണ് 2018 മുതൽ പണം വാങ്ങിയതെന്ന് ആറന്മുള സ്വദേശി ഹരികൃഷ്ണൻ നൽകിയ പരാതിയിൽ പറയുന്നു. പത്ത് പ്രതികളാണ് കേസിലുള്ളത്. പണം തട്ടിപ്പ്, വിശ്വാസവഞ്ചന തുടങ്ങിയ വകുപ്പുകൾ ചേർത്ത് ആറന്മുള പൊലീസാണ് കേസെടുത്തിരിക്കുന്നത്.