സ്വർണക്കടത്ത് കേസ് വാർത്തകൾ മറച്ചുവയ്ക്കാനാണ് സംസ്ഥാനത്ത് കൊവിഡ് ടെസ്റ്റുകളുടെ എണ്ണം കൂട്ടിയതെന്ന് യുഡിഎഫ് കൺവീനർ എം.എം. ഹസൻ. കൊവിഡ് പ്രതിരോധ പ്രവർത്തനങ്ങളിൽ സർക്കാരിനോട് സഹകരിക്കും. എന്നാൽ സർക്കാരിന്റെ അഴിമതിക്കെതിരെ വിട്ടുവീഴ്ചയില്ലാതെ മുന്നോട്ടുപോകുമെന്നും എം.എം. ഹസൻ കൂട്ടി ചേർത്തു .

ആൾക്കൂട്ട സമരങ്ങൾ കാരണമാണ് കൊവിഡ് വ്യാപനം കൂടുന്നതെന്ന മുഖ്യമന്ത്രിയുടെ നിലപാടിനോട് യോജിക്കുന്നില്ല. ജനുവരിയിലാണ് സംസ്ഥാനത്ത് കൊവിഡ് ആദ്യമായി റിപ്പോർട്ട് ചെയ്തത്. ആരോഗ്യ മന്ത്രി അന്ന് പ്രഖ്യാപിച്ചത് പരമാവധി ടെസ്റ്റുകൾ നടത്തുമെന്നാണ്. എന്നാൽ ടെസ്റ്റുകളുടെ എണ്ണം വളരെ കുറവാണ്. അദ്ദേഹം വിമർശിച്ചു.