ചൈ​ന​യില്‍ ബ്യൂ​ബൊ​ണി​ക് പ്ലേ​ഗ് റി​പ്പോ​ര്‍​ട്ട് ചെയ്തതോടെ മുന്നറിയിപ്പുമായി ആരോഗ്യവകുപ്പ് രംഗത്ത്. വ​ട​ക്ക​ന്‍ ചൈ​ന​യി​ലെ ബ​യ്ണി​യ​ര്‍ ന​ഗ​ര​ത്തി​​ലെ ആ​ശു​പ​ത്രി​യിലാണ് രോ​ഗം റി​പ്പോ​ര്‍​ട്ട് ചെ​യ്ത​ത്. നി​ല​വി​ല്‍ ന​ഗ​ര​ത്തി​ല്‍ പ്ലേ​ഗ് പ​ട​ര്‍​ന്നു​പി​ടി​ക്കാ​ന്‍ സാ​ധ്യ​തയുള്ളതിനാല്‍ പൊ​തു​ജ​ന​ങ്ങ​ള്‍ സ്വ​യം​പ്ര​തി​രോ​ധം ന​ട​ത്ത​ണ​മെ​ന്നും ശാ​രീ​രി​ക അ​സ്വ​സ്ഥ​ത​ക​ള്‍ ഉ​ണ്ടെ​ങ്കി​ല്‍ അ​റി​യി​ക്ക​ണ​മെ​ന്നും ആ​രോ​ഗ്യ​വ​കു​പ്പ് അ​റി​യി​ച്ചു.ബ്യൂ​ബൊ​ണി​ക് പ്ലേ​ഗ് ബാ​ധി​ച്ച്‌ 24 മ​ണി​ക്കൂ​റി​നു​ള്ളി​ല്‍ ചി​കി​ത്സ ല​ഭി​ച്ചി​ല്ലെ​ങ്കി​ല്‍ മ​ര​ണം സം​ഭ​വി​ക്കു​മെ​ന്നാ​ണ് ലോ​കാ​രോ​ഗ്യ സം​ഘ​ട​ന നടത്തിയ ​ പ​ഠ​നത്തില്‍ പറയുന്നത്.

പനി, തലവേദന, ഛര്‍ദി എന്നിവയാണ് ആദ്യ രോഗലക്ഷണങ്ങള്‍ ഇവയ്ക്ക് പുറമെ രോഗം മൂര്‍ച്ഛിച്ചാല്‍ ത്വക്ക് കറുപ്പ് നിറത്തിലാവുകയും മരണം തന്നെ സംഭവിക്കുകയും ചെയ്യുന്നു. വ​ട​ക്ക​ന്‍ മം​ഗോ​ളി​യ​യി​ലെ ഖൊ​വ് പ്ര​വി​ശ്യ​യി​ല്‍ ബു​ധ​നാ​ഴ്ച ര​ണ്ടു പേ​ര്‍​ക്കു പ്ലേ​ഗ് രോ​ഗം സം​ശ​യി​ക്കു​ന്ന​താ​യി സ​ര്‍​ക്കാ​ര്‍ ഉ​ട​മ​സ്ഥ​ത​യി​ലു​ള്ള സി​ന്‍​ഹു​വ വാ​ര്‍​ത്താ ഏ​ജ​ന്‍​സി റി​പ്പോ​ര്‍​ട്ട് ചെ​യ്തി​രു​ന്നു. 27 ഉം 17 ​ഉം വ​യ​സു​ള്ള സ​ഹോ​ദ​ര​ങ്ങ​ള്‍​ക്കാ​ണ് രോ​ഗം സ്ഥി​രീ​ക​രി​ച്ച​ത്. മാ​ര്‍​മ​റ്റി​ന്‍റെ (എ​ലി വ​ര്‍​ഗ​ത്തി​ല്‍​പ്പെ​ട്ട ജീ​വി) ഇ​റ​ച്ചി ക​ഴി​ച്ചതായി ഇ​വ​ര്‍ വെ​ളി​പ്പെ​ടു​ത്തി​യി​രു​ന്നു. ഈ ​ഇ​റ​ച്ചി ക​ഴി​ക്ക​രു​തെ​ന്ന് അ​ധി​കൃ​ത​ര്‍ ജ​ന​ങ്ങ​ള്‍​ക്കു നി​ര്‍​ദേ​ശം ന​ല്‍​കി​യി​ട്ടു​ണ്ട്. ഇ​വ​രു​മാ​യി സമ്പർക്കത്തി​ലേ​ര്‍​പ്പെ​ട്ട 146 പേ​രെ ഐ​സൊ​ലേ​റ്റ് ചെ​യ്തു.