കോവിഡ് പശ്ചാത്തലത്തിൽ സംസ്ഥാനത്ത്  സാമൂഹിക വ്യാപനം ഉണ്ടായിട്ടുണ്ടോ എന്ന് കണ്ടെത്തുന്നതിനായി നാളെ റാൻഡം കോവിഡ്  പരിശോധന നടത്തും. ഇതിനായി ഒറ്റദിവസം 3000 പേരുടെ സാമ്പിളുകളാണ് പരിശോധനയ്ക്കായി സ്വീകരിക്കുന്നത്.സമൂഹത്തിലെ വിവിധ ഭാഗങ്ങളിൽ നിന്നുള്ളവരെ റാൻഡം രീതിയിൽ തിരഞ്ഞെടുത്തുള്ള സാമ്പിൾ പരിശോധന സംസ്ഥാനത്ത് രണ്ടാം തവണയാണ് നടത്തുന്നത്.

ഹോട്ട്സ്പോട്ടുകളിലേതടക്കം പൊതുജനങ്ങളിൽ നിന്ന് സാമ്പിളുകൾ ശേഖരിക്കും.കോവിഡ് ലക്ഷണമോ, രോഗിയുമായി സമ്പർക്കമോ ഇല്ലാത്തവർ, സമീപകാലത്ത് വിദേശയാത്രാ ചെയ്യാത്തവർ, മുതിർന്ന പൗരന്മാർ, ഗർഭിണികൾ തുടങ്ങിയവരിൽ നിന്നാണ് സാമ്പിളുകൾ ശേഖരിക്കുക. ഇവ പിസിആർ പരിശോധനയ്ക്ക് വിധേയമാക്കി രോഗനിർണയം നടത്തും. രണ്ടുദിവസത്തിനകം ഫലമറിയാനാകുമെന്നാണ് പ്രതീക്ഷ.