ലോകം കൊറോണ വൈറസിന്റെ മുൾമുനയിലാണ്. ലോകജനതയെ അക്ഷരാർത്ഥത്തിൽ ഞെട്ടിച്ച ഈ മഹാമാരി നിയന്ത്രണാതീതമായി കുതിച്ചുപായുകയാണ്. കോവിഡ് 19 നെ നിയന്ത്രണവിധേയമാക്കുവാൻ ഇന്ത്യയുൾപ്പെടെയുള്ള രാജ്യങ്ങൾ നെട്ടോട്ടമോടുകയാണ്. അതിനിടയിൽ ഇതാ അമേരിക്കൻ സ്ഥാപനമായ സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷൻ ( സിഡിസി ) കോവിഡിന് ആറ് പുതിയ ലക്ഷണങ്ങൾ കൂടിയുണ്ടെന്ന് കണ്ടെത്തിയിരിക്കുകയാണ്. കൊറോണ വൈറസിനെ കുറിച്ച്  വിദഗ്ധർ നടത്തിയ പഠനത്തിലാണ്  പുതിയ ലക്ഷണങ്ങളെ  കണ്ടെത്തിയത്. ശരീരത്തിന്തണുപ്പ് , ആവർത്തിച്ചുള്ള വിറയ്ക്കൽ, പേശിവേദന, തലവേ ദന, തൊണ്ടവേദന , രുചി അല്ലെങ്കിൽ മണം നഷ്ടപ്പെടുക എന്നിവയാണ് ആറ് പുതിയ ലക്ഷണങ്ങൾ. പനി , ചുമ , ശ്വാ സതടസം എന്നിവയാണ് മാരകമായ കോവിഡ് രോഗത്തി ന്റെ മറ്റ് ലക്ഷണങ്ങൾ.