കൊറോണ വൈറസ് ലോകത്തിന്റെ മൊത്തം പ്രതിസന്ധിയായി മാറിക്കഴിഞ്ഞ സാഹചര്യത്തിൽ വാക്സിൻ പരീക്ഷണങ്ങളും ഊർജിതമാകുന്നു. വാഷിങ്ടണിലെ സീറ്റിലിലുള്ള ഗവേഷണകേന്ദ്രത്തിൽ പരീക്ഷിച്ച് വിജയിച്ചു എന്നവകാശപ്പെടുന്ന വാക്സിൻ ഇനി വിദഗ്ധ സംഘം വിശദമായി പഠിക്കും. വാക്സിൻ ഫലപ്രദമാണോ എന്നറിയാൻ ഇനിയും സമയമെടുത്തേക്കുമെന്നാണ് റിപ്പോർട്ടുകൾ. കോവിഡ് 19 രോഗം പരത്തുന്ന വൈറസിന്റെ താരതമ്യേനെ അപകടം കുറഞ്ഞ ജനിതക പകർപ്പാണ് പരീക്ഷണത്തിനായി ഉപയോഗിച്ചത്. നാല്‍പ്പത്തിമൂന്നുകാരിയായ ജെന്നിഫര്‍ ഹാലര്‍ എന്നയാളിലാണ് ആദ്യമായി വാക്സിൻ പരീക്ഷിച്ചത്. വാക്സിൻ വിജയകരമായാൽ ലോകം ഇന്ന് നേരിടുന്ന വലിയ വിപത്തിനെ മനുഷ്യപ്രയത്‌നം കൊണ്ട് പരാജയപ്പെടുത്തി എന്ന് പ്രഖ്യാപിക്കാനാകും. അതിനാൽ പരിശോധനാഫലനങ്ങൾക്കായി ആകാംഷയോടെ കാത്തിരിക്കുകയാണ് ലോകം.