തൃശൂർ ഗവ.മെഡിക്കൽ കോളേജ് ആശുപത്രിയിൽ വയറുവേദനയുമായി എത്തിയ രോഗിയുടെ വയറ്റിൽനിന്ന്‌ പുറത്തെടുത്തത് 111 ആണികൾ. ചാവക്കാട് സ്വദേശിയായ നാൽപ്പത്തൊമ്പതുകാരന്റെ വയറ്റിൽനിന്നാണ് ഇത്രയും ആണികൾ പുറത്തെടുത്തത്. സ്കാനിങ് നടത്തിയപ്പോഴാണ് ആണികൾ വയറ്റിനുള്ളിൽ കണ്ടത്. ഉടൻ ശസ്ത്രക്രിയ നടത്തി പുറത്തെടുത്തു.
വയറ്റിൽ പലയിടത്തായി കിടന്ന ആണികൾ മണിക്കൂറുകൾ നീണ്ട ശസ്ത്രക്രിയയിലൂടെയാണ് പുറത്തെടുത്തത്. മാനസികാസ്വാസ്ഥ്യമുള്ള ഇയാൾ പത്തുവർഷംകൊണ്ടാണ് ഇത്രയും ആണികൾ അകത്താക്കിയത്. ഡോക്ടർമാർ ചോദിച്ചപ്പോഴാണ് ആണി വിഴുങ്ങാറുണ്ടെന്ന കാര്യം രോഗി പറഞ്ഞത്. യൂണിറ്റ് ചീഫ് ഡോ. ശ്രീകുമാർ, ഡെപ്യൂട്ടി സൂപ്രണ്ട് ഡോ. പി.വി. സന്തോഷ്, ഡോ. സുനിൽകുമാർ, ഡോ. രൺദീപ്, ഡോ. സേതു തുടങ്ങിയവർ ശസ്ത്രക്രിയയ്ക്ക് നേതൃത്വം നൽകി.