തൃശ്ശൂരിൽ കൊറോണ ബാധ കണ്ടെത്തിയ വിദ്യാർത്ഥിനിയുടെ നില തൃപ്തികരമെന്ന് ആരോ​ഗ്യമന്ത്രി പത്രസമ്മേളനത്തിൽ പറഞ്ഞു. തൃശ്ശൂർ ജനറൽ ഹോസ്പിറ്റലിലെ ഐസൊലേഷൻ വാർഡിലാണ് വിദ്യാർത്ഥിനി ഇപ്പോഴുള്ളത്. ചൈനയിൽ നിന്നെത്തിയ വിദ്യാർത്ഥിനിയിലാണ്

കൊറോണ വൈറസ് സ്ഥിരീകരിച്ചത്.
 ചൈനയിൽ നിന്നെത്തിയ മൂന്നുകുട്ടികൾ ഇതേ ആശുപത്രിയിൽ നിരീക്ഷണത്തിലാണെന്നും ഇവർക്ക് കൊറോണ ബാധയില്ലെന്നും ആരോ​ഗ്യമന്ത്രി വെളിപ്പെടുത്തി. കൊറോണ വൈറസിന്റെ സാന്നിദ്ധ്യമറിയാൻ‌ ആലപ്പുഴയിൽ വൈറോളജി ലാബ് സജ്ജമാണെന്നും ആരോ​ഗ്യമന്ത്രി അറിയിച്ചു. തൃശ്ശൂർ മെഡിക്കൽകോളേജിൽ ഐസോലേഷൻ‌ വാർഡ് വിപുലീകരിക്കുമെന്നും മന്ത്രി പറഞ്ഞു.കൊറോണ വൈറസ് സംശയത്താൽ 20 പേരുടെ സാമ്പിൾ പരിശോധനയ്ക്കായി എടുത്തിട്ടുണ്ടെന്നും മന്ത്രി വ്യക്തമാക്കി.