രോ​ഗികളുടെ അവകാശം മനുഷ്യാവകാശമാണെന്ന നയം നടപ്പിലാക്കുന്നതിന് ദേശീയ മനുഷ്യാവകാശ കമ്മീഷൻ തയ്യാറാക്കിയ നയരേഖയെക്കുറിച്ച്  സംസ്ഥാനസർക്കാരിൽ നിന്നും കേന്ദ്രസർക്കാർ ആവശ്യപ്പെട്ട  അഭിപ്രായ നിർദ്ദേശങ്ങൾ ഇതുവരെയും നടപ്പാക്കിയിട്ടില്ലെന്നും അതേക്കുറിച്ച് മറുപടി നൽകണമെന്നും മനുഷ്യാവകാശ കമ്മീഷൻ അധ്യക്ഷൻ ജസ്റ്റിസ്  ആന്റണി ഡൊമിനിക്ക് ഉത്തരവിട്ടു. രോ​ഗികൾക്ക് മികച്ച ചികിത്സ ഉറപ്പാക്കാനായി രോ​ഗികളുടെ അവകാശ ചാർട്ടർ സംസ്ഥാന സർക്കാരുകൾ വഴി നടപ്പിലാക്കാൻ കേന്ദ്രസർക്കാർ തീരുമാനിച്ചിരുന്നു. ഇതു സംബന്ധിച്ച് ഇതുവരെ സംസ്ഥാന സർക്കാരിൽ നിന്നും മറുപടി ലഭിച്ചിട്ടില്ലെന്ന് ആന്റണി ഡൊമിനിക്ക് ചൂണ്ടിക്കാട്ടി.