ആസ്മ ഒരു രോ​ഗമല്ല. പല രോ​ഗങ്ങളുടെ കൂട്ടായ്മയാണ്. ഇതിൽ ഏറ്റവും ​ഗുരുതരം ഇസ്നോഫീലിക് ആസ്ത്മയാണ്. കുട്ടികളെക്കാൾ മുതിർന്നവരിലാണ് ഇത് കണ്ടുവരുന്നത്. സാധാരണയായി കാണുന്ന ആസ്മ ശ്വാസനാളത്തെയാണ് ബാധിക്കുക.എന്നാൽ  ഇസ്നോഫീലിക് ആസ്ത്മ മുഴുവൻ ശ്വാസകോശത്തെയും ബാധിക്കും. മൂക്കു മുതൽ ശ്വാസകോശത്തിന്റെ ചെറിയ കോശങ്ങളിൽ വരെ നീർ‌ക്കെട്ടുണ്ടാകും.

ഇസ്നോഫീലിക് ആസ്മ തുടർച്ചയായി വരുകയും  സൈനസൈറ്റിസ്,മൂക്കിനുള്ളിൽ നീർക്കെട്ട്, ചുമ, ശ്വാസംമുട്ടൽ  എന്നിവയൊക്കെ ഇതിന്റെ അനുബന്ധമായി കണ്ടുവരുകായും ചെയ്യുന്നു . രക്തപരിശോധനയിലൂടെയാണ് ഇസ്നോഫീലിക് ആസ്മയുടെ നിർണ്ണയം നടത്തുന്നത്. ഇസ്നോഫിൽ കൗണ്ട് 500 ന് മുകളിൽ ആണെങ്കിൽ  ഇസ്നോഫീലിക് ആസ്ത്മയുണ്ടെന്ന് തീർച്ചയാക്കാം. സ്റ്റിറോയ്ഡുകളാണ് ഇതിന്റെ ചികിത്സയ്ക്ക് ഉപയോ​ഗിക്കുന്നത്. സ്റ്റിറോയ്ഡുകൾ കൊണ്ട് രോ​ഗത്തെ നിയന്ത്രിച്ചു നിർത്താൻ മാത്രമേ സാധിക്കുകയുള്ളൂ. ഇസ്നോഫിൽ ആസ്മ പൂർണ്ണമായും വിട്ടുമാറാൻ പ്രയാസമാണ്.