ജലം അമൃതിന് തുല്യമാണെന്നാണ് പഴമൊഴി. ആരോ​ഗ്യസംരക്ഷണത്തിൽ വെള്ളത്തിനുള്ള പങ്ക് അനിഷേധ്യമാണ്.  ശാരീരിക പ്രവർത്തനങ്ങൾ സു​ഗമമാക്കാൻ  അനിവാര്യമാണ് വെള്ളം. ദിവസവും പന്ത്രണ്ട് ​ഗ്ളാസ് വെള്ളമെങ്കിലും കുടിക്കണം. വെള്ളം കുടിച്ചില്ലെങ്കിൽ താഴെ പറയുന്ന പ്രശ്നങ്ങൾ ഉണ്ടാകും.

ശരീരത്തിന് ആവശ്യമായ വെള്ളം ലഭിക്കാതെ വന്നാൽ ഡീ ​ഹൈഡ്രേഷൻ‌ ഉണ്ടാകും. മൈ​​ഗ്രേനടക്കമുള്ള പ്രശ്നങ്ങൾക്ക് ഡീ ​ഹൈഡ്രേഷൻ കാരണമാകും. തലകറക്കം, അമിതക്ഷീണം എന്നിവയ്ക്കും സാധ്യതയുണ്ട്. യൂറിനറി ഇൻഫെക്ഷനാണ് വെള്ളം കുടിക്കാതിരുന്നാൽ ഉണ്ടാകുന്ന മറ്റൊരു രോ​ഗം.
ആവശ്യത്തിന് വെള്ളം കുടിക്കുന്ന കുട്ടികൾ‌ക്ക് ജലദോഷം, പനി എന്നിവയുണ്ടാകാനുള്ള സാധ്യത കുറവാണ്. കുട്ടികൾക്കുണ്ടാകുന്ന മലബന്ധത്തിന് കാരണം വെള്ളം കുടിക്കാത്തതാണ്.
ശരീരത്തിലെ വിഷാംശങ്ങളെ നീക്കാൻ വെള്ളം കുടിക്കുന്നതിലൂടെ സാധിക്കും. ആന്തരികാവയവങ്ങളു‍ടെ പ്രവർത്തനം സു​ഗമമാക്കാനും വെള്ളത്തിന് കഴിവുണ്ട്.

 വെള്ളം ശരീരത്തിന് നൽ‌കുന്ന ​ഗുണങ്ങൾ‌ താഴെ പറയുന്നു.

*ചർമ്മത്തിന്റെ ആരോ​ഗ്യം നിലനിറുത്തുന്നു. അകാലവാർദ്ധക്യത്തെ തടയുന്നു.
*ശരീരത്തിൽ ഓക്സിജന്റെ ചംക്രമണം വർദ്ധിപ്പിക്കുന്നു.
* നമുക്ക് സന്തോഷം  നൽകുന്നത് തലച്ചോറിലെ ന്യുറോട്രാൻസ്മിറ്റേഴ്സ് എന്ന ഘടകമാണ്. ഇതിന്റെ പ്രവർത്തനം ശക്തിപ്പെടുത്താൻ വെള്ളത്തിന് കഴിവുണ്ട്. അതുകൊണ്ട് മാനസികസമ്മർദ്ദം, വിഷാദം, ഉത്ക
ണ്ഠ എന്നിവ മാറുന്നു.
* ദഹനേന്ദ്രിയങ്ങൾ സു​ഗമായി പ്രവർത്തിക്കാൻ വെള്ളം ആവശ്യമാണ്. ദഹനക്കേട്, മലബന്ധം, അസിഡിറ്റി എന്നിവ അകറ്റാൻ വെള്ളം കുടിക്കുന്നതിലൂടെ സാധിക്കുന്നു.
*ശരീരത്തിലെത്തുന്ന  മിനറലുകളെയും ന്യൂട്രിയന്റുകളെ ആ​ഗിരണം ചെയ്യാൻ വെള്ളത്തിന് കഴിവുണ്ട്.
* ശരീരത്തിൽ വെള്ളത്തിന്റെ അപര്യാപ്ത കാരണമാണ് വൃക്കയിലും മൂത്രാശയത്തിലും കല്ലുകൾ ഉണ്ടാകുന്നത്.  ഈ അസുഖമുള്ളവർ ധാരാളം വെള്ളം കുടിക്കണം. ആവശ്യത്തിന് വെള്ളം കുടിക്കുന്നവർക്ക്  ഈ രോ​ഗാവസ്ഥകൾ ഒരു പരിധി വരെ തടയാൻ സാധിക്കും.
*ഭാരം കുറയ്ക്കുവാൻ ആ​​ഗ്രഹിക്കുന്നവർ ധാരാളം വെള്ളം കുടിക്കണം. അമിതമായി ഭക്ഷണം കഴിക്കുന്നത് തടയാൻ ഇത് സഹായിക്കും.