യോഗാസനങ്ങള്‍ മാനസികവും ശാരീരികവുമായ അസ്വസ്ഥതകളെ ഇല്ലാതാക്കാറുണ്ട്. യോഗാസനത്തില്‍ നിങ്ങളില്‍ ഉണ്ടാവുന്ന മാറ്റങ്ങള്‍ പല വിധത്തിലുള്ള നേട്ടങ്ങളും ഉണ്ടാക്കാറുണ്ട് .

ക്യാന്‍സര്‍ രോഗനിര്‍ണയം എത്രയും വേഗം നടത്തുക എന്നതാണ് രോഗത്തെ മനസ്സിലാക്കുന്നതിന് ശ്രദ്ധിക്കേണ്ട പ്രധാന കാര്യം. അതുകൊണ്ട് തന്നെ രോഗത്തെ ഇല്ലാതാക്കുന്നതിന് വേണ്ടി കീമോതെറാപ്പി, റേഡിയേഷന്‍ തെറാപ്പി, സ്റ്റെം സെല്‍, ബോണ്‍ മജ്ജ മാറ്റിവയ്ക്കല്‍ തുടങ്ങിയ കാന്‍സര്‍ ചികിത്സകൾ  പലപ്പോഴും മുടികൊഴിച്ചില്‍, വിളര്‍ച്ച, ക്ഷീണം തുടങ്ങിയ നിരവധി പാര്‍ശ്വഫലങ്ങള്‍ ഉണ്ടാക്കുന്നവയാണ്.

യോഗയെന്ന പ്രതിരോധം

ക്യാന്‍സര്‍ തടയാനോ ചികിത്സിക്കാനോ യോഗയ്ക്ക് കഴിയുന്നില്ലെങ്കിലും കാന്‍സര്‍ ചികിത്സയുടെ പാര്‍ശ്വഫലങ്ങളെ ചെറുക്കുന്നതില്‍  അത് പ്രയോജനം നല്‍കുന്നുണ്ട്. ക്യാന്‍സര്‍ സാധ്യത കുറയ്ക്കുകയും കാന്‍സര്‍ രോഗികള്‍ക്ക് ആശ്വാസം നല്‍കുകയും ചെയ്യുന്ന ചില യോഗ ആസനങ്ങള്‍ നോക്കാം. ഇവ  നിങ്ങളുടെ മാനസിക ശാരീരിക ആരോഗ്യത്തിനും  വളരെ മികച്ചതാണ്. 

1 -   ഗോമുഖാസനം
സ്തനാര്‍ബുദം തടയുന്നതിനും കാന്‍സറിലേക്ക് നയിച്ചേക്കാവുന്ന ചില ഹോര്‍മോണുകള്‍ കുറയ്ക്കുന്നതിനും ഈ യോഗാസനം ഫലപ്രദമാണെന്ന് പറയപ്പെടുന്നത്. ഇത് ചെയ്യുന്നതിന് വേണ്ടി ഒരാള്‍ മുമ്പിലേക്ക് കാലുകള്‍ നീട്ടി ഒരു പായയില്‍ ഇരിക്കണം. ശേഷം , കാല്‍മുട്ടുകള്‍ വളച്ച് നിങ്ങളുടെ വലത് കാല്‍മുട്ട് ഇടത് കാല്‍മുട്ടിന് മുകളില്‍ കൊണ്ടുവരിക. അടുത്തതായി, കൈമുട്ട് വളയ്ക്കുമ്പോള്‍ നിങ്ങളുടെ വലതു കൈ പുറകിലേക്ക് എടുത്ത് ഇടതു കൈ തലയ്ക്ക് മുകളിലൂടെ എടുക്കുക, അങ്ങനെ രണ്ട് കൈകളും നിങ്ങളുടെ പുറകില്‍ വരണം. നിങ്ങളുടെ രണ്ട് കൈകളുടെയും വിരലുകള്‍ ഇന്റര്‍ലോക്ക് ചെയ്ത് 30 സെക്കന്‍ഡ് നേരം ഇതേ നിലയില്‍ തുടരാവുന്നതാണ്

2 -വൃക്ഷാസനം
ഈ ആസനത്തെ ട്രീ പോസ് എന്നും വിളിക്കാറുണ്ട്. വ്യക്തിയുടെ മനസ്സും ശരീരവും വിശ്രമിക്കാനും ശാന്തമാക്കാനും ഈ പോസ് നല്ലതാണ്. ഈ പോസില്‍, നിങ്ങളുടെ പാദങ്ങള്‍ ഒരുമിച്ച് വെക്കുക. തുടര്‍ന്ന് നിങ്ങളുടെ വലതു കാല്‍ ഉയര്‍ത്തി ഇടത് കാലിന്റെ അകത്തെ തുടയില്‍ വയ്ക്കുക. സന്തുലിതാവസ്ഥ നിലനിര്‍ത്താന്‍ ശ്രമിക്കുക, നിങ്ങളുടെ കൈപ്പത്തികള്‍ മടക്കി സാവധാനം ഒരുമിച്ച് കൊണ്ടുവരിക, പ്രണാമം മുദ്രയില്‍ വെക്കുക. ഇപ്പോള്‍, കൈകള്‍ നീട്ടുമ്പോള്‍ നിങ്ങളുടെ മടക്കിയ കൈപ്പത്തികള്‍ ഉയര്‍ത്തി ചലനത്തില്‍ ശ്രദ്ധ കേന്ദ്രീകരിക്കുക. തുടര്‍ന്ന് മറ്റേ കാലുകൊണ്ട് ചലനം ആവര്‍ത്തിക്കുക

3 -മാര്‍ജാരാസനം
ക്യാന്‍സറില്‍ നിന്ന് രക്ഷപ്പെട്ട ആളുകള്‍ക്ക് മാര്‍ജാരാസനം നല്ലതാണ്. കാരണം ഇത് രോഗശാന്തിയെ പ്രോത്സാഹിപ്പിക്കുകയും രോഗിയുടെ മികച്ച ആരോഗ്യം ഉറപ്പാക്കുകയും ചെയ്യുന്നു. മാര്‍ജാരാസനത്തിനായി കാല്‍മുട്ടുകള്‍ വളച്ച് നാല് കാലുകളില്‍ കയറി ഒരു മേശയുടെ സ്ഥാനം പോലെ ഇരിക്കുക. നിങ്ങളുടെ കൈപ്പത്തികള്‍ തോളിന്റെ വീതിയില്‍ നിലത്ത് വയ്ക്കുക, കാല്‍മുട്ടുകള്‍ ഇടുപ്പിന് താഴെയായി വിന്യസിച്ചിട്ടുണ്ടെന്ന് ഉറപ്പാക്കുക. ഇപ്പോള്‍ നിങ്ങളുടെ കാല്‍വിരലുകള്‍ പുറത്തേക്ക് തിരിഞ്ഞ് പോസില്‍ ശ്രദ്ധ കേന്ദ്രീകരിക്കുക.