ഡയപ്പറുകള്‍ ദീര്‍ഘനേരം തുടര്‍ച്ചയായി ഉപയോഗിക്കുന്നത് കുഞ്ഞുങ്ങളില്‍ അലര്‍ജിക്കും അണുബാധയ്ക്കും വഴിയൊരുക്കും.  ഡിസ്‌പോസിബിള്‍ ഡയപ്പറുകള്‍ തുടര്‍ച്ചയായി ദീര്‍ഘനേരം ഉപയോഗിക്കരുത്. അത്തരത്തില്‍ ഉപയോഗിക്കുമ്പോള്‍ മലമൂത്രവിസര്‍നജത്തെ തുടര്‍ന്നുള്ള നനവും അവശിഷ്ടങ്ങളും അടിഞ്ഞുകൂടിയും വായുസഞ്ചാരം തടസ്സപ്പെട്ടും ഡയപ്പര്‍കെട്ടിയ ഭാഗത്ത് ഫംഗസ് മൂലമുള്ള അണുബാധ ഉണ്ടാകാനിടയുണ്ട്. ഡയപ്പറുകളില്‍ അടങ്ങിയിരിക്കുന്ന രാസപദാര്‍ഥങ്ങള്‍ കുഞ്ഞിന്റെ പ്രതിരോധശേഷിയെ ബാധിച്ചേക്കാം. പ്രതിരോധശേഷി കുറയുന്നത് കുഞ്ഞിന് ഇടയ്ക്കിടെ അണുബാധയുണ്ടാകാന്‍ വഴിയൊരുക്കും. ഡയപ്പറില്‍ ജലംശം വലിച്ചെടുക്കാനായി ഉപയോഗിച്ചിരിക്കുന്ന ജെല്‍ അബ്‌സോബന്റുകള്‍ കുഞ്ഞിന്റെ ചര്‍മത്തില്‍ അലര്‍ജിക്ക് ഇടയാക്കാം.