24 മണിക്കൂറിനിടെ 41,16,230 വാക്‌സിൻ ഡോസുകൾ കൂടി നൽകിയതോടെ ഇന്ത്യയിലെ ആകെ കുത്തിവയ്‌പ്പുകൾ 107.29 കോടി കവിഞ്ഞതായി ആരോഗ്യ മന്ത്രാലയം അറിയിച്ചു. ബുധനാഴ്‌ച രാവിലെ 7 മണി വരെയുള്ള കണക്കുകൾ പരിശോധിക്കുമ്പോൾ രാജ്യത്ത് ഇതുവരെ 1,07,29,66,315 വാക്‌സിൻ ഡോസുകൾ നൽകിയിട്ടുണ്ട്.അതേസമയം, 24 മണിക്കൂറിനിടെ രാജ്യത്ത് 11,903 പുതിയ കൊവിഡ് കേസുകളും 311 മരണങ്ങളും റിപ്പോർട്ട് ചെയ്തു. 98.22 ശതമാനമാണ് രോഗമുക്‌തി നിരക്ക്. 1,51,209 സജീവ കേസുകളാണ് രാജ്യത്ത് ഇപ്പോൾ നിലനിൽക്കുന്നത്. കഴിഞ്ഞ 252 ദിവസങ്ങളിലെ ഏറ്റവും താഴ്ന്ന നിരക്കാണിത്.