വാക്സിനേഷനിൽ ചരിത്ര നേട്ടവുമായി ഇന്ത്യ . രാജ്യത്തെ മൊത്തം വാക്സിനേഷൻ 100 കോടി പിന്നിട്ടു. 279 ദിവസത്തിനുള്ളിലാണ് ഈ നേട്ടം കൈവരിച്ചത്.  ആരോഗ്യപ്രവർത്തകരെ അഭിനന്ദിക്കാൻ പ്രധാനമന്ത്രി നരേന്ദ്ര മോദി ആർ എം എൽ ആശുപത്രിയിലെത്തി. വാക്സിനേഷൻ നൂറു കോടി കടക്കുന്നതിൻറെ ഭാഗമായി നിരവധി പരിപാടികൾ കേന്ദ്രം ആസൂത്രണം ചെയ്തിട്ടുണ്ട്.ചെങ്കോട്ടയിൽ ആഘോഷങ്ങളുടെ ഭാഗമായി ദേശീയ പതാക ഉയർത്തും. വിമാനങ്ങളിലും ട്രെയിനുകളിലും കപ്പലുകളിലും നൂറ് കോടി ഡോസ് വാക്സീൻ മറികടന്നത് സംബന്ധിച്ച പ്രഖ്യാപനവും നടത്തും. ആഘോഷങ്ങളുടെ ഭാഗമായി ബിജെപി നേതാക്കൾ ഇന്ന് വിവിധ വാക്സിനേഷൻ കേന്ദ്രങ്ങൾ സന്ദർശിക്കും.